[color=darkred]كان مره بنوته صغيره ماشيه فى الشارع فلاقت باب بيت بس كان الباب مش مقفول وكمان مش مفتوح يعنى متوارب فزقت الباب ودخلتلقى البيت فاضى وبعدين لاقى تلت كراسى واحد كبيييييييييير قالت اقعد عليه بس لقيته وحش ومش مريح وبعدين لاقت كرسى متوسط وقعدت عليها بس هو كمان مش مريح وكمان لاقت الكرسى التالت صغير قالت اقعد عليه بس كسرته
وبعدين لاقت على الترابيزه تلت اطباق بليله واحد ايه؟؟؟؟؟؟؟صح واحد كبير وواحد متوسط وواحد صغير
اخدت معلقه من الكبير لكن اه يالسانى اااااااااااه سخن اوى خلاص انا اخد من الطبق المتوسط اخدت نص معلقه بس برده سخن و اخدت طرف المعلقه من الطبق الصغير الللللللللللله طعمه جميييييييل اكلت البنت كل الطبق
وبعدين دخلت اوضه لاقت تلت سراير ايه ؟؟؟؟؟؟ واحد ....كبير و...متوسط و........صغير قالت انام على الكبير بس مش مريح طيب المتوسط يااااااااه ده كمان مش مريح خلاص انام على الصغير اللللللللله مريح ونامت البنت
دخل بابا الدب وماما الدبه والنونو الدب
يعنى البيت بيت الدب
بابا الدب وماما الدبه والنونو قالوا مين كسر الكرسى الصغير ؟
ومين اكل البليله ؟
ومين البنت اللى نايمه على السرير؟
البنت فتحت عينها
لاقتهم واقفين وبسرعه جريت وطلعت من البيت
واتعلمت انها ماتدخلش بيت حد ماتعرفهوش
بابا الدب صلح الكرسى وماما عملت بليله والنونو رتب السرير[/color]